வானிலை ஆய்வு மையம் நடத்தும் ஆன்லைன் வினாடி- வினா போட்டி!

இந்திய வானிலை துறை தொடங்கப்பட்டு 150வது ஆண்டு நிறைவுபெறுவதை முன்னிட்டு பள்ளி மாணவர்களுக்கு தேசிய அளவிலான வினாடி - வினா போட்டிகள் (IMD 150th foundation day Quiz competition) நடத்தப்பட உள்ளன. இப்போட்டிகளில் 8, 9 மற்றும் 11ஆம் வகுப்பு படிக்கும் மாணவர்கள் கலந்துகொள்ளலாம். வானிலை, காலநிலை உள்ளிட்டவற்றில் ஆர்வமுள்ளவர்கள் இது அருமையான வாய்ப்பாகும். மேலும்,, இதில் மாநில, தேசிய அளவில் வெற்றி பெறும் மாணவர்களுக்கு பரிசுகள் வழங்கப்படும். தேசிய அளவில் முதல் பரிசு ரூ.25,000 நிர்ணயிக்கப்பட்டுள்ளது.

இந்திய வானிலை துறை 1875ஆம் ஆண்டு தொடங்கப்பட்டது. இந்தியாவில் வானிலையை ஆய்வு செய்து, பெரும் பேரிடர்களின் வானிலை மாற்றங்கள உள்ளிட்டவையில் இருந்து முன்னெச்சரிக்கை கொடுத்து பாதுக்காத்து வருகிறது. இந்நிலையில் வானிலை துறை தொடங்கப்பட்டு 150வது ஆண்டு காலம் நிறைவு ஆகிறது.இதனையொட்டி, வானிலை ஆய்வு மையத்தின் செயல்பாடுகள் பொது மக்களுக்கான சேவைகள், வானிலை குறித்த விழிப்புணர்வு, வானிலை அறிவியல் உள்ளிட்டவை குறித்து அறிந்துகொள்ளும் வகையில், மாணவர்களுக்கு பல்வேறு போட்டிகள் நடத்தப்பட உள்ளன.

வானிலை ஒலிம்பியாட்

அந்த வகையில், தேசிய அளவில் வானிலை ஒலிம்பியாட் போட்டிகள் அறிவிக்கப்பட்டு உள்ளன. இப்போட்டியில் 8, 9 மற்றும் 11ஆம் வகுப்பு படிக்கும் மாணவர்கள் கலந்துகொள்ளலாம். இவர்களுக்கு போட்டிகள் மாநில அளவிலும், தேசிய அளவிலும் ஆன்லைன் வழியில் வினாடி - வினா போட்டிகள் நடத்தப்பட உள்ளன.

வினாடி - வினா போட்டி எப்படி நடைபெறும்?

மாநில அளவிலான போட்டிகளில் கலந்துகொள்ள பதிவு செய்த மாணவர்கள் ஆன்லைன் வழியாக போட்டிகள் நடத்தப்படும். 1 மணி நேரத்தில் 60 கொள்குறி வகை (multiple-choice questions) கேள்விகளுக்கு பதிலளிக்க வேண்டும். கேள்விகளுக்கான பாடத்திட்டம் இணையதளத்தில் கொடுக்கப்பட்டுள்ளது. அதில் இருந்து மட்டுமே கேள்விகள் கேட்கப்படும்.

மாநில அளவில் வெற்றி பெறும் 3 மாணவர்கள் டெல்லியில் நடைபெறும் 1 நாள் சிறப்பு பட்டறையில் (workshop)கலந்துகொள்ளலாம். மேலும், இவர்கள் தேசிய அளவிலான போட்டிக்கு தகுதியடைவார்கள். டெல்லியில் தேசிய அளவிலனா போட்டி நடைபெறும். ஜனவரி 15-ம் தேதி நடக்கும் ஆண்டு விழா நிகழ்ச்சியிலும் பங்குபெறலாம். பயணம் மற்றும் தங்குவதற்கான முழு செலவையும் வானிலை துறை ஏற்கும்.

வினாடி - வினா பரிசு

தேசிய அளவில் வெற்றி பெறும் மாணவர்களுக்கு முதல் பரிசு ரூ.25,000, இரண்டாம் பரிசு ரூ.15,000 மற்றும் மூன்றாம் பரிசு ரூ.10,000 வழங்கப்படும்.

மாநில அளவிலான போட்டிகளில் வெற்றி பெறும் மாணவர்களுக்கு முதல் பரிசு ரூ.5,000, இரண்டாம் பரிசு ரூ.3,000 மற்றும் மூன்றாம் பரிசு ரூ.2,000 வழங்கப்படும்.

போட்டிக்கு பதிவு செய்வது எப்படி?

இதில் கலந்துகொள்ள ஆர்வமுள்ள மாணவர்கள் https://mausam.imd.gov.in/met-oly/ என்ற இணையதளத்தில் டிசம்பர் 10-ம் தேதி இரவு 11.59 மணிக்குள் பதிவு செய்ய வேண்டும்.

முக்கிய நாட்கள்

மாணவர்கள் டிசம்பர் 10-ம் தேதிக்குள் பதிவு செய்ய வேண்டும். மாநில அளவிலான போட்டிகள் டிசம்பர் 14 முதல் 15 வரை நடைபெறும்.

இதற்கான முடிவுகள் டிசம்பர் 17-ம் தேதி வெளியாகும். தேசிய அளவிலான போட்டிகள் ஜனவரி 14-ம் தேதி நடைபெறும். பரிசுகள் ஜனவரி 15-ம் தேதி வழங்கப்படும்.