உலகிலேயே முதன்முறையாக, சென்னையில் நடைபெற்ற புடவை மாரத்தான்!
சென்னை பெசன்ட் நகரில் பாரம்பரியமும் நவீனத்துவமும் இணைந்த, அனைத்து தரப்புப் பெண்களும் கலந்து கொண்ட, புடவை மாரத்தான் போட்டி உலகிலேயே முதன்முறையாக நடைபெற்றது.பெசன்ட் நகர் கடற்கரையில் று நடைபெற்ற ‘புடவை அணிந்த பெண்களின் மாரத்தான்’ போட்டி நடைபெற்றது. பெண்கள் தங்கள் பாரம்பரியமான புடவைகளை அணிந்து மாரத்தான் போட்டியில் கலந்து கொண்டது மட்டுமல்லாமல், மாதவிடாய் சுகாதாரம் குறித்த விழிப்புணர்வையும் ஏற்படுத்தினர். பொதுவாக வீட்டு வேலைகளுக்கும், கோயில் விழாக்களுக்கும் மட்டுமே பயன்படுத்தப்படும் சேலைகள், இன்று இளைஞர்களால் அதிகம் விரும்பப்படுவதில்லை. ஆனால், இந்த மாரத்தான் நிகழ்வானது சேலை என்பது வெறும் பாரம்பரிய ஆடை மட்டுமல்ல, நவீன வாழ்க்கை முறைக்கும் ஏற்றதாக இருக்கும் என்பதை நிரூபித்துள்ளது.
மாதவிடாய் சுகாதார விழிப்புணர்வு
இந்த மாரத்தான் நிகழ்வின் முக்கிய நோக்கம், மாதவிடாய் சுகாதாரம் குறித்த விழிப்புணர்வை ஏற்படுத்துவதாகும். பல பழங்குடி சமூகங்களில் மாதவிடாய் சுகாதாரம் குறித்து போதுமான விழிப்புணர்வு இல்லாததால், இந்த மாரத்தான் நிகழ்வின் மூலம், பெண்களுக்கு தேவையான பொருட்கள் வழங்கப்பட்டன. அதுதவிர பெண்கள், தங்கள் பாரம்பரியத்தை மதிக்கும் அதே வேளையில் நவீன உலகத்துடன் இணைந்து வாழும் திறன் கொண்டவர்கள் என்பதை நிரூபித்துள்ளனர். அவர்களின் ஒற்றுமை, பெண்கள் எதையும் சாதிக்கக் கூடியவர்கள் என்பதை நிரூபித்துள்ளது.
இந்த புடவை மாரத்தான், சென்னையில் ஒரு புதிய தொடக்கத்தை உருவாக்கியுள்ளது. இது போன்ற நிகழ்வுகள், பாரம்பரியம் மற்றும் நவீனத்துவம் இணைந்து புதிய சாதனைகளை படைக்க முடியும் என்பதை நிரூபித்துள்ளன என்பது குறிப்பிடத்தக்கது.உலகிலேயே முதன்முறையாக, சென்னையில் நடைபெற்ற புடவை மாரத்தான் போட்டியானது, பாரம்பரியம் மற்றும் நவீனத்துவம் இணைந்து புதிய சாதனை படைத்திருப்பதுடன், பெண்களின் ஒற்றுமைக்கும், மாதவிடாய் சுகாதாரம் குறித்த விழிப்புணர்வுக்கும் ஒரு முக்கிய பங்களிப்பை அளித்துள்ளது. வரலாற்று சிறப்பு மிக்க இந்த நிகழ்வானது, இது போன்ற பல முன்னெடுப்புகளுக்கு வழிவகுக்கும் என்று உறுதியாக கூறலாம்.
