காங்கிரஸ் தலைவர் மல்லிகார்ஜுன கார்கே-வுக்கு இசட் பிளஸ் பாதுகாப்பு!

மக்களவைத் தேர்தல் வருவதை முன்னிட்டு, காங்கிரஸ் தலைவர் மல்லிகார்ஜுன் கார்கேவுக்கு இசட் பிளஸ் பாதுகாப்பு வழங்க மத்திய உள்துறை அமைச்சகம் உத்தரவிட்டுள்ளதாக அதிகாரப்பூர்வ வட்டாரங்கள் வியாழக்கிழமை தெரிவித்தன. கார்கேவின் அச்சுறுத்தல் இருப்பதாக எழுந்த பார்வையின் அடிப்படையில் இந்த மாத தொடக்கத்தில் உள்துறை அமைச்சகம் இந்த முடிவை எடுத்துள்ளது.

பிரதான எதிர்க்கட்சித் தலைவராக உள்ள மல்லிகார்ஜுன் கார்கே, பொதுத் தேர்தல் மற்றும் தேர்தலின் போது, நாடு முழுவதும் பரவலாக சுற்றுப்பயணம் மேற்கொள்வார் என்று எதிர்பார்க்கப்படுகிறது. மேலும், இந்த யதார்த்தத்தை கருத்தில் கொண்டு அவரது பாதுகாப்பை அதிகரிக்க முடிவு எடுக்கப்பட்டது என்று வட்டாரங்கள் தெரிவித்தன. மல்லிகார்ஜுன் கார்கே இப்போது சுமார் 30 சி.ஆர்.பி.எஃப் கமாண்டோக்கள் மூன்று ஷிப்டுகளில் 24 மணி நேரமும் பாதுகாப்புப் போர்வையால் சூழப்பட்டிருப்பார். இந்த பாதுகாப்பில் குண்டு துளைக்காத வாகனம், பைலட் மற்றும் எஸ்கார்ட் வாகனம் ஆகியவை அடங்கும்.

இசட்-பிளஸ் என்பது எஸ்பிஜி பாதுகாப்புக்குப் பிறகு, அதிக அளவில் அச்சுறுத்தல் உள்ள இந்திய விவிஐபி-க்கு அரசாங்கம் வழங்கும் உச்சபட்ச பாதுகாப்பு ஏற்பாடாகும். இதில் 55 நவீன ஆயுதம் தரித்த படையினர் இடம்பெற்றிருப்பார்கள். சிஆர்பிஎஃப் கமாண்டோக்கள் 24 மணி நேரமும் உடன் இருப்பர். குண்டு துளைக்காத வாகனம் மற்றும் மூன்று ஷிப்டுகளில் பாதுகாப்பு ஆகியவையும் இதில் அடங்கும்.

புலனாய்வுப் பணியகம் குறிப்பிடும் ச்சுறுத்தல் பகுப்பாய்வைப் பொறுத்து வி.ஐ.பி பாதுகாப்பு இசட் பிளஸ், இசட், ஒய் மற்றும் எக்ஸ் பாதுகாப்பு என நான்கு பிரிவுகள் உள்ளன.

சிறப்புப் பாதுகாப்புக் குழுவால் பிரதமருக்கு மிக உயர்ந்த பாதுகாப்பு வழங்கப்படுகிறது.

முன்னாள் பிரதமர் மன்மோகன் சிங், காங்கிரஸ் முன்னாள் தலைவர்கள் சோனியா காந்தி, ராகுல் காந்தி, காங்கிரஸ் கட்சியின் பொதுச் செயலாளர் பிரியங்கா காந்தி ஆகியோர் சி.ஆர்.பி.எப் கமாண்டோக்களுடன் இசட் பிளஸ் பாதுகாப்பில் உள்ளனர்.

2019-ல் மோடி அரசாங்கத்தின் ஒரு பெரிய பாதுகாப்பு மதிப்பாய்வுக்குப் பிறகு, 350 அரசியல்வாதிகள் மற்றும் முன்னாள் மற்றும் தற்போதைய எம்.பி.க்களின் பாதுகாப்பை மத்திய அரசு அகற்றியதால் அல்லது குறைக்கப்பட்டதால் 1,300 கமாண்டோக்கள் விடுவிக்கப்பட்டது குறிப்பிடத்தக்கது.