வாட்ஸ்அப், இன்ஸ்டா & ஃபேஸ்புக்கில் AI சாட்பாட் வசதி வந்தாச்சாமில்லே!
உலக அளவில் டாப் மீடியாவாகிவிட்ட வாட்ஸ்அப்பின் தாய் நிறுவனமான மெட்டா, சில நாட்களுக்கு முன்பு தனது அனைத்து தயாரிப்புகளிலும் AI அம்சங்களைக் கிடைக்கச் செய்துள்ளது. இதன் மூலம் பேஸ்புக், இன்ஸ்டாகிராம் மற்றும் வாட்ஸ்அப்பில் இப்போது AI சாட்பாட்டை அறிமுகம் செய்துள்ளது.ட்ஸ்அப், ஃபேஸ்புக், இன்ஸ்டாகிராம், மெசெஞ்சர் பயனர்கள் விரைவில் பயன்படுத்தலாம். பயனர்களின் பயன்பாட்டுக்கு படிப்படியாக இது கிடைக்கப்பெறும் என தெரிகிறது. இப்போதைக்கு இதனை இந்தியாவில் ஆங்கில மொழியில் மட்டுமே பயன்படுத்த முடியும். மெட்டா நிறுவன சமூக வலைதளங்கள் மட்டுமல்லாது மெட்டா ஏஐ வலைதளத்திலும் இதனை பயன்படுத்தலாம். இதனை அதன் சேர்ச் பாக்ஸில் பயனர்கள் பயன்படுத்தலாம்.Meta AI ஐப் பயன்படுத்த, முதலில் செயற்கை நுண்ணறிவு வசதிகளைப் பயன்படுத்த வாட்ஸ்அப்க்கு அனுமதி வழங்க வேண்டும். அதன் பிறகுதான் வாட்ஸ்அப்பில் மெட்டா AI பயன்பாட்டுக்கு வரும். வாட்ஸ்அப்பை ஓபன் செய்தவுடன் வரும் வட்ட வடிவ ஐகானை கிளிக் செய்தால் மெட்டா AI சாட்பாட் திறக்கும்.
கடந்த இரண்டு மாதங்களுக்கு முன்னர் இந்த சாட்பாட்டினை சர்வதேச அளவில் மெட்டா அறிமுகம் செய்தது. இருந்தும் இந்த பாட் பயன்பாட்டை இந்தியாவில் பொதுத் தேர்தல் நடைபெற்ற காரணத்தால் தள்ளி வைத்தது குறிப்பிடத்தக்கது. கடந்த வாரம் கூகுள் நிறுவனம், அதன் Gemini சாட்பாட்டை இந்தியாவில் அறிமுகம் செய்தது. அதையடுத்து மெட்டாவும் தனது ஏஐ சாட்பாட்டை அறிமுகம் செய்துள்ளது.
மற்ற ஜெனரேஷன் ஏஐ சாட்பாட்களை போலவே இதிலும் பயனர்கள் பல்வேறு டாஸ்குகளை மேற்கொள்ளலாம். பயனர்கள் இதைக் கொண்டு மின்னஞ்சல் எழுத, கவிதை, மொழிபெயர்ப்பு, டெக்ஸ்டுகளை சுருக்கி தர, இமேஜ் மற்றும் GIF உருவாக்க என பல பணிகளை செய்யலாம். இது அனைத்தையும் பயனர்கள் வாட்ஸ்அப், ஃபேஸ்புக் பக்கத்தில் இருந்தபடி மேற்கொள்ளலாம். கூகுள், மைக்ரோசாஃப்ட் வழங்கும் நிகழ்நேர சேர்ச் ரிசல்ட்களை பயனர்கள் இதில் பெற முடியும்.
இன்று (திங்கட்கிழமை) முதல் இந்த ஏஐ பாட் இந்தியாவில் அறிமுகம் செய்யப்படுவதாக அறிவிப்பு வெளியாகி உள்ளது. இருந்தாலும் பெரும்பாலான பயனர்கள் தங்களது ஃபேஸ்புக், வாட்ஸ்ஆப், இன்ஸ்டாகிராம் பக்கம் மற்றும் மெட்டா ஏஐ தள பக்கத்திலும் இதனை பயன்படுத்த முடியவில்லை என தெரிவித்துள்ளனர். Meta AI is not yet available in your country என பலருக்கும் அதன் தளத்தில் காண்பித்து வருகிறது. பயனர்களுக்கு வரும் நாட்களில் படிப்படியாக இந்த ஏஐ பாட் பயன்பாட்டுக்கு கிடைக்கும் என பரிந்துரைக்கப்பட்டுள்ளது.