மிஸ் பண்ணக் கூடாத டூரிஸ்ட் ஸ்பாட்- மசினக்குடி!

இளைஞர்கள் மத்தியில் மிக பிரபலமாக இருக்கும் ஒரு இடத்தின் பெயர் மசினக்குடி. காடுகள் வழி சுற்றுலா அனுபவத்தைப் பெற விரும்புவோர், இங்கே கட்டாயம் சென்று வர வேண்டும். அப்படியென்ன சிறப்புகள் நிறைந்திருக்கிறது என்று இங்கு காணலாம்..!

தமிழகத்தின் நீலகிரி மாவட்டத்தில் முக்கிய இடங்களாக நாம் அறிந்து வைத்திருப்பது ஊட்டி, குன்னூர், கோத்தகிரி தான். ஆனால் இவற்றையும் மிஞ்சியமாக பொக்கிஷயங்களைத் தன் வசம் பொதித்து வைத்திருக்கும் இடம் தான் மசினக்குடி. மசினகுடியில் வெறும் யானையை மட்டும் தானே பார்க்க வேண்டும் என பலரும் விரும்புவீர்கள். ஆனால் மசினகுடியில் சுற்றி பார்க்க பல இடங்கள் உள்ளது. மசினகுடியில் உள்ள பேமஸான இடங்களை பார்த்து முடிக்க எத்தனை நாட்கள் ஆகும். என்னென்ன என்பது பற்றி பார்க்கலாம் வாங்க..!

மசினகுடியில் மிஸ் செய்யக்கூடாத விஷயம் ஜங்கிள் ரைடு. மொத்த காடுகளை இந்த ஜங்கிள் ரைடில் சுற்றி பார்க்கலாம். இதற்கு தனியாக கட்டணம் வசூலிக்கப்படுகிறது. காடுகள், மலைகள் நிறைந்த மசினகுடி ட்ரெக்கிங் செல்ல ஏற்ற இடமாகவும் உள்ளது. தகுந்த பாதுகாப்புகளுடன் இங்கு ட்ரெக்கிங் செல்ல முடியும். மசினகுடியில் இருக்கும் தெப்பாக்காடு யானைகள் முகாம் மிகவும் முக்கியமான ஸ்பாட். யானைகளை குளிக்க வைக்கவும் அனுமதி வழங்கப்படுகிறது.

இங்கு இருக்கும் தேயிலை தோட்ட எஸ்டேட்டுகளி பார்வையிடவும் அனுமதி உண்டு. அதே போல் டீ தூள் தயாரிப்பு முறைகளையும் அருகில் இருந்து பார்க்கலாம். மசினகுடியில் இருக்கும் கோபாலசுவாமி பெட்டா கோவில் மிகவும் புகழ்பெற்ற இடமாகும். மசினகுடியில் வரும் சுற்றுலா வாசிகள் கட்டாயம் இந்த கோயிலுக்கு செல்வார்கள்.

எப்படிச் செல்வது?

ஊட்டியில் இருந்து 30 கி.மீ தொலைவில் அமைந்துள்ளது. நெடுஞ்சாலை எண் 700ல் சென்றால், ஒரு மணி நேரத்திற்குள் சென்று விடலாம். கர்நாடகா, கேரளாவில் இருந்து நேரடியாக செல்வதற்கும் போக்குவரத்து வசதி உள்ளது. கோவாவில் இருந்து ஊட்டி - குண்டல்பேட்டை நெடுஞ்சாலை வழியாகவும் செல்லலாம். இதில் 36 கொண்டை ஊசி வளைவுகள் உள்ளன. முதுமலையில் இருந்து 75 கி.மீ தொலைவில் உள்ளது.

விமானம் மூலம் மசினக்குடி வர விரும்புவோர், கோயம்புத்தூர் விமான நிலையத்திற்கு வர வேண்டும். அங்கிருந்து கார் மூலம் மசினக்குடி செல்லலாம். சாலை மார்க்கமாக கோயம்புத்தூரில் இருந்து மேட்டுப்பாளையம் செல்ல வேண்டும். அங்கிருந்து 81 கிமீ தொலைவில் உள்ள மசினக்குடியை அடையலாம். தமிழகத்தில் எங்கிருந்தும் ஊட்டி சென்றால், அங்கிருந்து எளிதில் மசினக்குடி போய்ச் சேரலாம். நீங்கள் மசினக்குடி போய் சேரும் போது, இரவாக இருந்தால் தங்குவதற்கு விடுதி வசதி உள்ளது. அங்கு விருந்து, கேங் பயர் உள்ளிட்டவை மூலம் பொழுதை கழிக்கலாம். அடுத்த நாள் காலை முதல் மசினக்குடியை சுற்றிப் பார்க்க கிளம்பி விடலாம். மேற்குத் தொடர்ச்சி மலையில் இருக்கும் சிறிதும் மாசுபடாத இடங்களில் இதுவும் ஒன்று. முதுமலை தேசிய பூங்காவிற்கு அருகே உள்ள ஊரில் மசினக்குடி அமைந்துள்ளது. வார இறுதி நாட்களை செலவிட, மிக சிறப்பான ஒரு இடம்.

இந்த மசினக்குடியில் தெப்பக்காடு யானைகள் முகாம், சபாரி, தேயிலை தோட்டங்கள், கோபாலசுவாமி பெட்டா கோவில், கல்லிகுடர் ரப்பர் தோட்டங்கள், முதுமலை வனவிலங்கு சரணாலயம், பறவைகள் சரணாலயம் போன்ற இடங்களுக்கு சென்று சுற்றிப் பார்க்கலாம்.